250             TESTAMENTS ENREGISTRÉS AU PARLEMENT DE PARIS          (490)
Heron, son filz, secretaire du roy nostre sire et de monseigneur de Berry, le dit Pierre dé" Cerisy et Jehan Patart, ses gendres; ausquelx ensemble et aux deux d'iceulx, dont l'un de ses diz freres ou le dit maistre Macé soit tousjours l'un d'iceulx deux, elle donna et octroya, donne et octroyé plain povoir et auctorité de ce faire et de ce qui au cas appartendra et que bons et loyaulx executeurs pevent et doivent faire en tel cas. Et voult et ordena icelle testaterresse, que ou cas et si tost que l'un de ses diz freres sera aié de vie à trespassement avant cestui sien present testament acompli, que ses diz executeurs survivans en nomment un autre ou lieu du dit trespassé. Es mains desquelx ses executeurs dessus nommez elle se dessatsy de tous ses biens meubles et immeubles quelzconques, presens et à venir, et Ies en voult estre et demourer saisiz et vestuz, tantost elle alée de vie à trespassement, jusques à plain acomplissement de cestui sien present testament; et lesquelz pour ce du tout elle soubzmist et soubzmet à justicier, vendre et exploiter par nous, nos successeurs prevostz de Paris, et par tous autres justiciers, soubz qui jurisdicion ilz seront et pourront estre trou­vez, en revoquant et rappellant, irritant et mettant du tout au neant tous autres testamens et ordenances de derreniere voulenté par elle faiz et ordenez par avant cestui sien present testament, auquel elle se ar-resta et arreste du tout, et voult icellui estre, valoir et demourer, sortir et avoir son plain effect, selon sa forme et teneur, par la meilleur forme et maniere que valoir pourra et devra, de us, de coustume et autrement.
En tesmoing de ce, nous, à la relacion des diz notaires, avons mis à ces lettres le seel de la prevosté de Paris, l'an de grace mil quatre cens et neuf, le mardi xx jours du mois d'aoust.
Signé : Saixt-Geumaw. Piece.
A tous ceulx qui ces presentes lettres verront, Bruneau de Saint Cler, chevalier, maistre d'ostel du roy nostre sire et garde de la prevosté de Paris, salut. Savoir faisons que par devant Jehan Piece et Jehan de Saint Germain, notaires du roy nostre dit seigneur en son